Gwyllt am Ffilm: Mothers of the Revolution

1 Gorffennaf 2026

6:30 pm - 9:15 pm

£5

Noder bod y digwyddiad hwn bellach wedi GWERTHU ALLAN. Os hoffech ymuno â’r rhestr aros, anfonwch e-bost at lo****@**el.coop.

Os oes gennych docyn ond na allwch fynychu mwyach ar 1 Gorffennaf, anfonwch e-bost at lo****@**el.coop i drefnu ad-daliad fel y gallwn gynnig y tocyn i’r rhestr aros.

Croeso i Gwyllt am Ffilm! ein clwb ffilm sy’n sbarduno sgwrs ac yn ysbrydoli gweithredu trwy bŵer sinema.

Mothers of the Revolution

Ym 1981, cychwynnodd grŵp o 36 o fenywod ar orymdaith 120 milltir o Gaerdydd i Berkshire i brotestio yn erbyn y bwriad i daflegrau niwclear Americanaidd gyrraedd tir y DU. Tyfodd Gwersyll Heddwch Menywod Greenham Common o’r nifer fach honno o unigolion i filoedd. Heriodd arweinwyr y byd, newidiodd gwrs hanes ac ysbrydolodd filiynau fel gwrthdystiad cyntaf a mwyaf y byd i fenywod yn unig.

Mae ein panel ar gyfer y noson yn cynnwys Karmen Thomas, un o’r pedwar ffrind o Rydaman a’r cyffiniau, a oedd â’r syniad gwreiddiol am yr orymdaith, a Jill Evans, un o’r gorymdeithwyr gwreiddiol ac Is-gadeirydd presennol CND Cymru.

“Fe wnaethon ni newid ein hunain a thrwy newid ein hunain, fe wnaethon ni ysbrydoli cymaint o fenywod i newid y byd” – Rebecca Johnson, Menyw Greenham

Ffilm: 6.30 pm

Egwyl: 8.15 pm – archebwch eich diodydd / bwyd o’r caffi wrth i chi gyrraedd

Trafodaeth: 8.30 – 9.15pm

Ein panel:

Ganwyd Jill Evans ac mae hi’n dal i fyw yn Nyffryn Rhondda.

Roedd Jill yn gynghorydd Plaid Cymru yn y Rhondda, ar Gyngor Sir Canol Morgan a chyngor Rhondda Cynon Taf nes iddi gael ei hethol yn Aelod o Senedd Ewrop dros Gymru ym 1999. Cafodd ei hail-ethol bedair gwaith ac roedd yn ASE tan 2020 pan adawodd y DU yr Undeb Ewropeaidd.

Jill oedd Cadeirydd Ymgyrch dros Ddiarfogi Niwclear Cymru ac mae hi bellach yn Is-gadeirydd. Roedd hi’n aelod o Heddwch Nain/Mamgu (Heddwch Ein Neiniau), a ffurfiwyd i nodi canmlwyddiant 2024 Deiseb Heddwch Menywod Cymru i fenywod yr Unol Daleithiau ac i weithio i wireddu amcanion y menywod ganrif yn ôl. Hi yw Is-gadeirydd Academi Heddwch Cymru, sefydliad heddwch Cymru.

Bu Karmen Thomas yn byw yn Nyffryn Aman am dros dair degawd, gan fagu ei phedwar o blant, gweithio mewn gwahanol rolau gan gynnwys fel swyddog undeb llafur, cyd-sefydlu Women for Life on Earth, a gwirfoddoli gyda gwahanol brosiectau cymunedol. Yn 2009 symudodd i Abertawe a dyfarnwyd doethuriaeth mewn hanes iddi o Brifysgol Abertawe. Mae hi bellach yn cyfuno ymchwil ac ysgrifennu â’i rôl fel Llywydd Sefydliad Brenhinol De Cymru.

Am fwy o fanylion am Wild about Film gweler ein Tudalen Clwb Ffilm