Gwyllt am Ffilm: “Rave on for the Avon”
£5
Archebwch docynnau ymlaen llaw drwy Eventbrite neu ewch i’r Hwb a phrynwch docyn.
Croeso i Gwyllt am Ffilm! ein clwb ffilmiau sy’n sbarduno sgwrs ac yn ysbrydoli gweithredu drwy rym sinema.
‘Rave on for the Avon’
Ffilm ddogfen dyner sy’n dilyn brwydr cymuned leol i achub eu man ymdrochi mewn ffyrdd unigryw a beiddgar. Yn benderfynol o adennill eu dyfroedd, mae pobl leol yn herio cwmnïau dŵr ac awdurdodau lleol mewn brwydr dros afonydd glanach ac iachach, gyda thrac sain gwych.
“…nid oedd ymgyrchu erioed wedi edrych mor hwyl a chyfeillgar ag y mae yn y rhaglen ddogfen lawen hon am ymgyrchwyr dŵr glân Bryste.” Cath Clarke, Guardian
Trafodaeth ar ôl y ffilm
Ymunwch â ni a’n siaradwyr gwadd (Tiff Dew, swyddog ymgysylltu a’r gymuned Abertawe a Chastell-nedd Port Talbot ar gyfer
Ymddiriedolaeth Afonydd Gorllewin Cymru, a Kate McCabe, Urban Foundry) i siarad am faterion a godwyd gan y ffilm a chlywed am brosiectau lleol ysbrydoledig.
Tiff Dew: Swyddog Afon Cymunedol – Abertawe & Castell-nedd Port Talbot, Ymddiriedolaeth Afonydd Gorllewin Cymru
Mae Tiff wedi byw neu weithio o fewn pellter bwrw pluen o afon drwy gydol ei fywyd, ac yn rhy aml mae wedi bod yn dyst i’r problemau sy’n wynebu ein hafonydd bendigedig. Fel un sy’n angerddol am yr awyr agored, mae’n frwd dros ddatblygu prosiectau cymunedol sy’n cynnwys adfer ac amddiffyn tirweddau afonol er mwyn i genedlaethau’r dyfodol allu eu mwynhau.
Kate McCabe:
Mae Kate yn angerddol dros lesiant sy’n deillio o fod yn yr awyr agored mewn mannau gwyrdd o ansawdd da, ac mae’n mwynhau cerdded, nofio, syrffio, beicio a thyfu bwyd. Cymerodd Kate ran yn Dip a Day ar gyfer Surfers Against Sewage fis Hydref diwethaf i godi ymwybyddiaeth o’r problemau llygredd yn ein moroedd ac afonydd, ac i annog mwy o bobl i weithredu.
Mae gan Kate dros 20 mlynedd o brofiad yn gweithio ar draws pob sector a chymuned mewn amrywiaeth eang o rolau. Mae’n angerddol ynghylch llais a gweithredu cymunedol i greu newidiadau cadarnhaol, gyda chred gref y gall newid cymdeithasol ddigwydd gyda’r dull cywir. Mae ei gwaith yn Urban Foundry ac Adnoddau Naturiol Cymru yn canolbwyntio ar effeithiau newid hinsawdd a sut y gall atebion seiliedig ar natur (a elwir hefyd yn seilwaith gwyrdd) gynnig ffyrdd cadarnhaol i gymunedau a busnesau addasu i hinsawdd sy’n newid, gwella lles, economïau a chynorthwyo natur i ffynnu.
Rave On For The Avon
Cyfarwyddwr ac awdur: Charlotte Sawyer
Yn cynnwys: Meg Avon, y briodferch o’r Afon, a Lindsay Cole, morforwyn Avon
Rhaglen Ddogfen, 2024, DU, 86 munud
Ffilm: 6.30 pm
Egwyl: 7.55 pm – archebwch eich diodydd / bwyd o’r caffi wrth i chi gyrraedd
Trafodaeth: 8.20 pm
Am fwy o fanylion am Wild about Film gweler ein Tudalen Clwb Ffilm
Am fwy o fanylion am Gwyllt am Ffilm edrych ein tudalen Clwb Ffilm.
