Mae Hwb y Gors, ein eco-ganolfan newydd hardd yng Nghwm Aman Uchaf bron \u00e2 bod yn barod. Mae Hwb y Gors wedi ymgodi o\u2019r gwaith adnewyddu ac ailwampio ar hen Ysgol Gynradd Cwm-gors, yr hoff adeilad a wasanaethodd genedlaethau o blant a theuluoedd lleol. Bydd yr Hwb yn cynnwys caffi, gweithdy crochenwaith, stiwdios artistiaid, gardd gymunedol, neuadd a man ymarfer, ystafelloedd addysg, a chynllun trafnidiaeth drydan gymunedol.<\/p>\n\n\n\n
Meddai Emily Hinshelwood, Cyfarwyddwr Creadigol Awel Aman Tawe, sy’n arwain y prosiect \u201cEin nod yw agor yr adeilad ym mis Ionawr 2023. Mae wedi bod yn dasg anferth oherwydd y lefel uchel o bydredd sych \u2013 bu’n rhaid gwagio’r adeilad yn llwyr! Rydyn ni wedi ceisio cadw rhai o nodweddion yr adeilad, ond mae hyn wedi ein galluogi i ail-ddychmygu\u2019r tu mewn wrth symud ymlaen. Roedd yn bleser cael croesawu Mrs Blank, y pennaeth blaenorol, a gr\u0175p o gyn-athrawon a staff, i weld y gwaith. Rhannon nhw stor\u00efau am eu dyddiau yn yr ysgol, ac roedd yn dda gennym glywed eu bod yn hoffi’n gwaith, ein gweledigaeth ar gyfer y ganolfan, ac yn bwysicaf oll y ffaith fod yr adeilad yn mynd i aros wrth galon y gymuned, er mai ar ffurf wahanol\u201d.<\/p>\n\n\n\n
Parhaodd Emily \u201cRydyn ni wedi cydweithio gyda’r gwneuthurwr ffilmiau lleol, Mike Harrison, i ddogfennu’r gwaith adnewyddu \u2013 mae mor gyffrous gweld sut gall ysgol a adeiladwyd yn 1912 gael ei hailwampio gyda deunyddiau adeiladu cynaliadwy fel inswleiddiad waliau allanol corc, paneli solar a phwmp gwres o’r ddaear i leihau ei h\u00f4l troed carbon. Mae Mike wedi ennill dwy Bafta Cymru am ei waith felly mae’n ffilm hardd gyda Sarah Bowkett, cyn-ddisgybl yn yr ysgol sy\u2019n dal i fyw gerllaw, yn trosleisio.\u201d<\/p>\n\n\n\n