Rydym wrth ein bodd yn cyhoeddi bod Hwb y Gors wedi derbyn Pecyn Sinema cyflawn yn rhodd hael gan Sinema Gymunedol Rhiwbina!
Dyfarnwyd hwn i ni ar ôl proses ddethol gan bwyllgor Sinema Gymunedol Rhiwbina, a oedd yn chwilio am gartref da i’w hoffer. Aeth Gerald a Teilo (ein swyddogion Hwb) ar daith i gasglu’r pecyn:
“Cafodd Teilo a minnau’r aseiniad i gasglu’r offer o gyfeiriad ym maestref Rhiwbina yng Nghaerdydd. Ar ôl cyrraedd, cawsom groeso cynnes gan Viv, ei gŵr Harley a’i ffrind hirdymor a’r Trysorydd Justin.
Gwahoddodd Viv ni i’r tŷ lle cawsom goffi a bisgedi tra bod Harley yn manylu ar hanes a chefndir Monico Movies a’i ymwneud ei hun, a oedd yn amlwg yn angerddol iawn ac yn brofiad gydol oes, â gwneud ffilmiau a sinema.
Mae’r offer ei hun o safon a manyleb uchel iawn, mewn cyflwr perffaith ac rwy’n credu ein bod yn ffodus iawn i fod ym meddiant y pecyn hwn, a fydd yn ddi-os yn ased gwerthfawr i’r Hwb ac Awel Aman Tawe.
Unwaith eto, diolch enfawr, diolchgarwch a gwerthfawrogiad i Sinema Gymunedol Rhiwbina/Monico Movies, am y rhodd wych a hael hon, ac i Viv, Harley a Justin am eu croeso cynnes a’u lletygarwch, rydym yn gobeithio dychwelyd y croeso hwnnw i chi pan fyddwn yn agor yr Hwb, a gallwn eich gwahodd i ymweld â ni.
Rydyn ni’n edrych ymlaen yn fawr at gael digwyddiadau ffilm yn Hwb y Gors a chadw ysbryd Monico Movies yn fyw.
